Madrigal á cibdá de Santiago

En Galifontes, o Wikisource en galego.
Saltar ata a navegación Saltar á procura


Madrigal á cibdá de Santiago (Seis poemas galegos)       Federico García Lorca       1935
 


Madrigal á cibdá de Santiago, Seis poemas galegos, Federico García Lorca, Nós, 1935.jpg

Chove en Santiago
meu doce amor.
Camelia branca do ar
brila entebrecida ô sol.

Chove en Santiago
na noite escura.
Herbas de prata e de sono
cobren a valeira lúa.

Olla a choiva pol-a rúa,
laio de pedra e cristal.
Olla no vento esvaído
soma[1] e cinza do teu mar.

Soma e cinza do teu mar,
Santiago, lonxe do sol.
Ágoa da mañán anterga
trema no meu corazón.


<<<< >>>>

Notas[editar]

  1. Variante de "sombra" Dicionario de Xosé Filgueira Valverde (1926).


Seis poemas galegos de Federico García Lorca
Madrigal á cibdá de Santiago - Romaxe de Nosa Señora da Barca - Cantiga do neno da tenda
Noiturnio do adoescente morto - Canzón de cuna pra Rosalía Castro, morta - Danza da lúa en Santiago