Wikisource:Como redireccionar unha páxina

En Galifontes, o Wikisource en galego.
Saltar ata a navegación Saltar á busca

Para redirixir unha páxina a outra, pónse no corpo da primeira só: #REDIRECT [[nome da segunda páxina]]

Ao ir á primeira páxina, o sistema mostra automaticamente a segunda. Nesta aparece, por baixo do título, a lenda (Redirixido dende [[Nome da primeira páxina]]).

Cando se move unha páxina a outra con outro título, este código aparece automaticamente na páxina orixinal. Para mover unha páxina, cómpre estar rexistrado e abrir unha sesión: entón aparecerá unha lapela "mover" entre o "historial" e "vixiar/non vixiar".

Redireccións a evitar[editar]

Hai que ter coidado en non crear redireccións dobres, isto é, que a páxina de redirección apunte para outra que tamén sexa unha redirección. Existe unha listaxe de direccións dobres, así como unha de redireccións rotas, que se producen cando se elimina ou move unha páxina para a que apunta outra. Neste caso hai que volver definir na páxina de redirección cal é a páxina cara á que debe apuntar.

As redireccións dobres créanse moitas veces ao mover unha páxina e non modificar a ligazón nova en todas as páxinas que apuntaban para ela. Para evitar isto, clica en Páxinas que ligan con esta (a primeira opción da caixa de ferramentas da esquerda) desde a páxina que contén a redirección e vai unha por unha por todas as páxinas actualizando a ligazón nova.

Tamén hai que evitar as auto-redireccións, isto é un artigo que redirixe cara a si mesmo através doutra redirección.

Por outra banda, as páxinas de redirección non se inclúen en ningunha categoría, pois iso resultaría en entradas duplicadas para a mesma páxina.


Frecha. Voltar a Wikisource:Axuda.