Ala, pó-la alta nòite

En Galifontes, o Wikisource en galego.
Saltar ata a navegación Saltar á procura


I. Vaguedás (Follas novas)       Rosalía de Castro      
 


Ala, pó-la alta nòite


Ala, pó-la alta nòite,
A luz d'a triste e moribunda lámpara,
Ou antr'á negra oscuridad medosa,
O vello ve pantasmas.
              —
Uns son árbores muchos, e sin follas,
Outros, fontes sin auguas,
Montes qu'a neve eternamente crube,
Ermos que nunca acaban.
             —
Y ó amañecer d'o dia
Cando c'á ultima estrela aqueles marchan
Outros veñen mais tristes e sañudos,
Pois a verdade amarga,
Escrita trân n'os apagados ollos
E n'as asienes calvas.
              —
Non digás nunca, os mozos, que perdeches
A risoña esperanza,
D'o qu'a vivir começa sempr'é amiga:
Sô enemiga mortal de quen acaba!...

Anterior:
Alguns din, ¡miña terra!
Ala, pó-la alta nòite Seguinte:
Paz, paz deseada

Fonte : I. Vaguedás. páxina 8