Recalada
Recalada (De catro a catro) Manuel Antonio 1928
![](http://upload.wikimedia.org/wikipedia/commons/thumb/c/c9/Placa_na_casa_museo_de_Manuel_Antonio._Rianxo._Galiza.jpg/220px-Placa_na_casa_museo_de_Manuel_Antonio._Rianxo._Galiza.jpg)
as follas evadidas
d'o almanaque d'os nosos soños.
Atoparemos n-o peirán
as follas evadidas
d'o almanaque d'os nosos soños
As novas rúas de sempre
eishibirán o escaparate
d'as mesmas noivas inéditas
Fumaremos n-as pipas despeitivas
todal-as transeuntes
hostilidades mudas
O vaso desbicado n-outro porto
remataremol-o eiquí n-o mesmo bar
cabo d'o mariñeiro desconecido
que nos repite a mesma
ubicua sorrisa loira
N-os burdeles xa saben
que a nosa moeda
ten o anverso de ouro
e o reverso sentimental
Os ecos imprevistos
d'o noso cantar sonámbulo
apagarán os focos d'a madrugada
Mañán despertaremos
n-a ausenza d'esta xornada
Esquivou-se unha folla
d'o diario efusivo
Eramol-os espeutadores
n-a prestidixitación
d'unha hora artificial.