Proel/Nocturno de Burgo Baixo

En Galifontes, o Wikisource en galego.
Saltar ata a navegación Saltar á procura


         NOCTURNO
      DE BURGO BAIXO

   Ennovelados no fulgor da lua
os faroles nas pozas aluciantes,
co xesto recadado do asesino
lavan as longas mans cheas de sangue.

   Pol-as ruas eivadas desprunaba
o albar riola das fuxidas horas.
O tempo foi deitarse antr'as montanas
no leito branco e mol das nubens mortas.

   No silenzo hai un crimen inconfeso
a noite ten o corazón fendido
dos seus ollos cegados pol-as tebras
escoa a vida nun xemer de río.