Proel/Canzón do temporal

En Galifontes, o Wikisource en galego.
Saltar ata a navegación Saltar á procura


          CANZÓN DO
           TEMPORAL

   Os berros dos mazaricos
rachan as sedas do mar
no carro das mouras nubens
ven do sur o temporal.

   Nas barras e nos peiraos
rompen as foulas cristadas
de lostregos azuados
das estrelas afogadas.

   Púxose o ceo de loito
pol-os que van afogar.
As centellas como trallas
baten no lombo do mar.