Madrigal á cibdá de Santiago
De Wikisource
Madrigal á cibdá de Santiago
Federico García Lorca - 1935
Chove en Santiago
meu doce amor.
Camelia branca do ar
brila entebrecida ô sol.
Chove en Santiago
na noite escrura.
Herbas de prata e de sono
cobren a valeira lúa.
Olla a choiva pol-a rúa,
laio de pedra e cristal.
Olla o vento esvaído
soma e cinza do teu mar.
Soma[1] e cinza do teu mar
Santiago, lonxe do sol.
Ãgoa da mañán anterga
trema no meu corazón.
[editar] Notas
- ↑ Forma dialectal de "sombra".
