Travesía: Diferenzas entre revisións
Nova páxina: "{{encabezar |nome=Travesía (De catro a catro) |autor=Manuel Antonio |dataano=1928 }} <div class=prose><poem> Troqueles reiterados o reloxe e o Sol alcuñaron moedas ..." |
m cat |
||
Liña 58: | Liña 58: | ||
asumeu o compás d'as travesías</poem></div> |
asumeu o compás d'as travesías</poem></div> |
||
[[Category:GL-T]] |
|||
[[Categoría:De catro a catro]] |
[[Categoría:De catro a catro]] |
Revisión actual feita o 21 de xuño de 2012 ás 19:13
Travesía (De catro a catro) Manuel Antonio 1928
Troqueles reiterados
o reloxe e o Sol
alcuñaron moedas efímeras
que repetían todas
a mesma cara e a mesma cruz
A costa e o Mar
escamotearon unánimes dorsos
permutadores d'a mesma
loxincua evasión
Temos un estrangoado diagrama
repasado por todol-os novelos d'horizonte
que viraron a proa e a Rosa d'os Ventos
N-a fasquía d'os barcos anónimos
postos a flote pol-a madrugada
estraviados n-o roteiro d'o serán
persistiron sempre
a mesma foula e o mesmo ronsel
Ese intertroque de radiogramas
que reeditaron os faros e as estrelas
dou-nos a multiplicación monótona
d'as mesmas letras d'o mesmo morse
Foi a derradeira ráfega de vento
quen nos desfollous de todal-as lembranzas?
O Mundo
que xa non sabe
mais que repetir unha volta consabida
rachou clandestinamente
as follas imprevistas d'os almanaques
C'as nosas mans suicidas
espallaremos n-o carroussel d'os ventos
os catro puntos cardinaes
Mentras
o timoel
arrumbará proa a Ningures
Repetiremol-os cansos corazóns
cronometrando monotonías
N-as velas indecisas
follea o vento un indelébel
álbum de leit-motiws
O minuteiro
(tic-tac)
asumeu o compás d'as travesías