Balada d'o pailebote branco: Diferenzas entre revisións
Nova páxina: "{{encabezar |nome=Balada d'o pailebote branco (De catro a catro) |autor=Manuel Antonio |dataano=1928 }} <div class=prose><poem> Escoitábamos o vento rindo-se malévo..." |
(Sen diferenzas.)
|
Revisión como estaba o 28 de decembro de 2009 ás 11:29
Balada d'o pailebote branco (De catro a catro) Manuel Antonio 1928
Escoitábamos o vento
rindo-se malévolo
debaixo d'o seu disfraz
E tamén contou o barco
a hestoria d'o piloto
a d'o gavieiro e a d'o rapaz
Vós xa sabedes todo
Eso que dín as estampas
d'o libro de Simbad
Pero el contou-nos o resto
"Estreaba o horizonte
unha largacía audaz"...
O barco foi percorrendo
as cicatrices sentimentaes
que lle deixaron vellos navegantes
E os adeuses que leva n-a vela
grabados por miradas
tristes definitivas e distantes
Un día fixo-se ao mar
c'a parola ceifada n-os beizos
E xa nunca volveu
Agora eu busco un vello mariñeiro
ou unha hestoria d'o pailebote branco
ou calquer outra cousa...
que sei eu!
Escoitábamos o vento
rindo-se malévolo
debaixo d'o seu disfraz
Pero a hestoria d'o pailebote branco
non-a sabía o piloto
nin o gavieiro
nin o rapaz.