Wikisource:Normas de conduta

Modelo:Resumo Modelo:Políticas Esta páxina ofrece algúns principios de boa conduta para traballar cos demais na Wikipedia.

As persoas que colaboran na Wikipedia poden proceder de países e culturas diferentes. É posible diferir amplamente nos puntos de vista, perspectivas e opinións. É de vital importancia tratar as outras persoas con respecto para conseguir grao efectivo de colaboración na construción desta enciclopedia global.

Principios de conduta na Wikipedia

• Asume a boa fe. Ata o de agora, na Wikipedia traballouse salientablemente ben grazas a esta política que da unha ampla liberdade á hora de editar. A xente vén aquí para colaborar e escribir bos artigos.
• Lembra a regra de ouro: Trata aos demais como quererías que te tratasen. Recorda que todos fomos novos unha vez.
• Sé cortés e amable.
• Ten en conta que os textos escritos poden ser ambiguos e, a miúdo, soar máis groseiros que esas mesmas palabras oídas dunha persoa que tes diante. A ironía non sempre é obvia na escrita. Lembra que a fala está acompañada de expresión facial, inflexión vocal ou linguaxe corporal. Ten tino ao elixir as palabras que escribes: o que queres dicir pode non ser o que os outros entendan. Do mesmo xeito, ten coidado ao interpretar o que les: o que ti interpretas pode non ser o que os outros queren dicir.
• Asina e pon a data de edición nas mensaxes que deixas nas páxinas de conversa (non nos artigos).
• Traballa para chegar a un acordo ou consenso.
• Discute sobre os feitos, non sobre as personalidades.
• Non fagas terxiversación.
• Non ignores as preguntas.
• Se alguén non está de acordo coa túa edición, achega un bo motivo para respaldala.
• Desiste de seguir apoiando unha posición nunha conversa cando non teñas máis que dicir; ou recoñece cando os teus argumentos están baseados na intuición ou en preferencias persoais.
• Compórtate civicamente.
• Malia que é comprensiblemente difícil nunha discusión intensa, se outros editores non son tan cívicos como quererías que fosen, sé máis cívico, non menos. Deste modo, polo menos ti non estás indo cara ao conflito aberto e aos insultos; coa túa acción, estás facendo algo para calmar as cousas.
• Non dubides en facer saber educadamente aos demais que non estás a gusto co seu ton.
• Ten a disposición para pedir desculpas. Durante as discusións animadas, a miúdo dicimos cousas das que logo nos arrepentimos. Non agoches ese sentimento e coméntao.
• Perdoa e esquece.
• Recoñece os defectos e carencias propios, e mantenos baixo control.
• Eloxia a quen o merece. A todas as persoas gústalles sentir aprecio, especialmente nun ambiente que frecuentemente require compromiso. Deixa notas amigables nas páxinas de conversa dos usuarios.
• Finaliza ou resume as disputas que iniciaches.
• Axude a mediar nas desavinzas dos outros.
• Se estás nunha discusión, fai unha pausa. Se estás mediando, recomenda que as persoas involucradas fagan unha pausa.
• Acouga. Se tes un enfado encima, dedica algo de tempo a outra cousa fóra da Wikipedia no canto de publicar mensaxes ou editar. Volve ao cabo dun día ou dunha semana. Se pensas que é necesaria unha mediación, deixa constancia nunha mensaxe.
• Afástate durante un tempo da conversa ou atopa outro artigo para distraerte. Hai moitas tarefas por facer nas que se necesitan persoas.
• Lembra o que a Wikipedia non é.
• Evita as reversións cando sexa posible e non te saltes a regra das tres reversións, agás que esteas ante unha das excepcións. Explica as reversións na caixa do resumo de edición.
• Ao reverter as edicións doutras persoas, dá un motivo relevante para a reversión (na páxina de conversa do artigo, se fose necesario). Se entras nunha discusión por este motivo, explica con calma a túa opinión; adoptar unha posición dogmática ou non comunicativa provoca o mesmo comportamento nos demais e fai que te encerelles nunha guerra de edicións.
• Rectifica, edita, debate.
• Lembra que estás a falar con persoas. Teñen sentimentos. Trata aos demais con dignidade. O mundo é un lugar moi grande, con diferentes culturas e convencións. Non uses xerga que outros non poidan entender. Usa os acrónimos con coidado e explica o seu significado se hai posibilidade de dúbida.

Como evitar o abuso das páxinas de conversa

Case todos están orgullosos do seu traballo e punto de vista. É fácil ferir o ego de alguén durante a edición dun artigo, mais as páxinas de conversa non son o lugar axeitado para contra-atacar. Son un bo lugar para calmar os ánimos ou desfacer o dano causado, o seu verdadeiro propósito é forxar acordos que beneficien os artigos aos cales están ligadas.

Algunhas cousas para ter presentes

• Os artigos da Wikipedia deben representar todos os puntos de vista (máis sobre isto no Punto de vista neutral). As páxinas de conversa non existen para debater qué puntos de vista son certos e cales equivocados. Para iso hai grupos de conversa en Usenet, ou weblogs públicos e outros wikis.
• Se alguén esta en desacordo co seu artigo, non significa que (1) esa persoa o odie, (2) a persoa pense que vostede sexa estúpido, (3) a persoa sexa estúpida, (4) que sexa mala persoa , etc. Cando alguén publique opinións sen implicacións prácticas para o artigo o mellor é ignoralo.
• Antes de iniciar unha conversa, pregúntese: paga a pena discutir sobre iso?
• Leve a conversa ao correo electrónico ou á súa páxina de usuario se fora esencial para o artigo.

Algunhas palabras máis sobre a conversa educada

• Deixe ben claro cal é o asunto que se está a tratar, especialmente cando estea respondendo a outra mensaxe.
  • Citar unha mensaxe é bo, aínda que expoñer como a interpretou vostede é mellor. Antes de afirmar que alguén está equivocado, admita a posibilidade de que falla a comunicación.
• Non dea nomes ou ataque persoalmente aos escritores ou aos seus artigos.
  • Termos como "racista", "machista", ou ata mesmo "mal escrito" colocan a calquera nunha postura defensiva. Dese xeito, é difícil discutir os artigos de maneira produtiva.

Outros consellos

Algunhas palabras de despedida de Larry Sanger:

• Ser aberto e cordial, non insultar.
• Concentrarse na escrita dunha enciclopedia, non nun debate no estilo Usenet.
• Recoñecer e eloxiar os mellores traballos, aqueles que sexan detallados, efectivos, ben documentados, e con bos índices de referencias.
• Esforzarse en entender os requisitos impostos pola neutralidade e porque este concepto é tan importante para este proxecto.
• Tratar aos seus colegas produtivos e ben intencionados con respecto e boa vontade;
• Atraer e honrar á boa xente que sabe moito e escribe ben.

Algunhas liñas xerais para un Wikiconvenio escritas por Kingturtle:

• Faga que todos se sintan benvidos (ata mesmo os participantes antigos; incluso aqueles aos que vostede non lle agrada).
• Cree e manteña un ambiente amigable.
• Poña a outra meixela (e afástese dunha posible guerra de edición).
• Eloxie, especialmente a aqueles que non son coñecidos seus (a case todos lles agrada saber que o seu traballo é apreciado e desexado).
• Perdoe.

Véxase tamén

Outros artigos

• Wikipedia:O que a Wikipedia non é
• Wikipedia:Cousas que non se deben facer